Skilmálar Ancestry

Gildistökudagur: 3. ágúst 2021

 

Samantekt á breytingum

  • Breytingar til að endurspegla endalok AncestryHealth®
  • Skýringar á hugverkarétti

1.  Samantekt og þjónustuleiðir:

Velkomin(n) í Ancestry®! Með því að nota vefsíður, þjónustuleiðir og farsímaforrit Ancestry sem tengjast þessum skilmálum — Ancestry®, AncestryDNA®, Newspapers.com™, Find a Grave®, Fold3®, Archives® og WeRemember® — auk annarra tengdra vörumerkja („Þjónustuleiðirnar“), samþykkir þú þessa skilmála („Skilmálana“). Allir nýir eiginleikar sem fylgja þjónustunni í framtíðinni munu einnig falla undir þessa skilmála.

Þú samþykkir líka VafrakökurstefnuEndurnýjunar- og uppsagnarskilmálaHöfundarréttarstefnu og Reglur Ancestry samfélagsins, en vísað er til ofangreindra skjala í þessu skjali og teljast þau því innifalin. Vinsamlegast lestu vandlega þessi skjöl og Persónuverndaryfirlýsinguna okkar (þar sem lýst er hvernig við söfnum, vinnum úr, notum og deilum gögnunum þínum) vegna þess að þar er að finna mikilvægar upplýsingar um réttindi þín og skyldur þegar þú notar Þjónustuleiðirnar. Þú ert að ganga að þessum Skilmálum með tilteknum Ancestry aðila eftir því hvaða þjónustu þú ert að nota og hvar þú ert staddur/stödd landfræðilega (sjá Ancestry fyrirtæki hér að neðan til að fá frekari upplýsingar).

Viðbótarskilmálar geta átt við og þeir verða kynntir fyrir þér þegar þú skráir þig í nýja Þjónustuleið eða nýtir þér nýja kynningu eða sértilboð, og þeir skilmálar verða hluti af samningi þínum við okkur ef þú notar þessar Þjónustuleiðir, kynningar eða tilboð. Ef einhverjir viðbótarskilmálar stangast á við þessa Skilmála munu viðkomandi viðbótarskilmálar gilda. Ef þú hefur einhverjar spurningar um þessa Skilmála eða Þjónustuleiðir okkar, skaltu vinsamlegast Hafa samband.

 

Til að hjálpa þér að lesa þessa skilmála höfum við skipt þeim niður í eftirfarandi hluta:

 

1.1.  Hæfi til að nota þjónustu. Óskráðir gestir, skráðir gestir í ókeypis áskrift, áskrifendur sem greiða áskriftargjald og fólk sem kaupir og/eða virkjar DNA-sett teljast öll „Notendur“ samkvæmt þessum Skilmálum. Þú gætir þurft að stofna reikning til að nota þjónustuna. Þú verður að gefa upp nákvæmar, heildstæðar og núgildandi upplýsingar þegar þú nýskráir þig. Þjónustan er ætluð íbúum í þeim löndum þar sem boðið er upp á hana. Til dæmis er þjónusta sem boðið er upp á á ancestry.ca ætluð notendum í Kanada.

Ef þú ert á aldrinum 13 til 18 ára geturðu nýtt þér þjónustuna (að undanskildum þjónustuleiðum sem krefjast DNA-prófs) með leyfi foreldris eða forráðamanns. Börnum yngri en 13 ára er ekki heimilt að nota neina af Þjónustuleiðunum. Við hvorki leitumst við að afla með vísvitandi hætti né söfnum neinum Persónuupplýsingum með beinum hætti frá börnum yngri en 13 ára. Ef Ancestry verður kunnugt um að við höfum óafvitandi safnað persónuupplýsingum með beinum hætti frá barni undir 13 ára aldri, munum við reyna að því marki sem talist getur eðlilegt innan viðskiptalegra takmarkana að eyða slíkum gögnum úr kerfinu okkar.

1.2. Hæfi til að nota DNA-þjónustu: Þú verður að vera að minnsta kosti 18 ára til að kaupa eða virkja DNA-prófunarsett. Til að hjálpa okkur að tryggja heilleika og gæði gagnagrunnsins okkar og standa vörð um persónuupplýsingarnar þínar, verður hver fullorðinn einstaklingur sem leggur til munnvatnssýni fyrir DNA-próf að stofna sinn eigin reikning og virkja sitt eigið próf. Virkjunaraðilar DNA-prófa verða einnig að samþykkja með afdráttarlausum hætti vinnslu á viðkvæmum persónuupplýsingum. Foreldri eða forráðamaður getur virkjað DNA próf, veita okkur Persónuupplýsingar og senda okkur munnvatnssýni til úrvinnslu frá eigin ólögráða barni með því að nota sinn reikning. Með því að virkja DNA próf fyrir hönd eða leggja til einhverjar Persónuupplýsingar ólögráða einstaklings þá ert þú að fullyrða að þú sért foreldri eða forráðamaður þessa ólögráða einstaklings. Þú samþykkir einnig að þú hafir rætt DNA prófið við ólögráða einstaklinginn og ólögráða einstaklingurinn hefur samþykkt söfnun og úrvinnslu á munnvatni hans.

1.3. Notkun þjónustu

Í skiptum fyrir aðgang þinn að þjónustunni samþykkir þú að þú munir:

  • Fylgja VafrakökurstefnuHöfundarréttarstefnuEndurnýjunar- og úrsagnarskilmálum og Samfélagsreglum Ancestry;
  • hlíta öllum gildandi lögum;
  • bera ábyrgð á notkun og virkni innan Þjónustuleiða sem fer fram í gegnum reikninginn þinn eða með innskráningarupplýsingunum þínum;
  • Hafðu samband við okkur ef þig grunar að reikningurinn þinn hafi verið notaður án þíns leyfis eða ef þú telur að notandanafni þínu og aðgangsorði hafi verið stolið;
  • Ekki endurselja Þjónustuleiðir eða endurselja, fjölfalda eða birta neitt efni eða upplýsingar sem finna má í gegnum okkar Þjónustuleiðir, nema eins og sérstaklega er lýst í þessum Skilmálum;
  • Ekki sniðganga, slökkva á eða trufla á annan hátt öryggistengda eiginleika Þjónustuleiða okkar; og,
  • Ekki fara í kringum, slökkva á eða á annan hátt trufla eiginleika sem koma í veg fyrir eða takmarka notkun eða afritun hvers kyns efnis eða framfylgja takmörkunum á notkun á Þjónustuleiðum eða innihaldi þeirra, þar með talið að nota botta, vefskriðla, köngulær, gagnagreftrarbúnað, skrapara eða önnur sjálfvirk aðgangstæki, hvort sem er að eigin hönnuð eða frá þriðja aðila.

Óvænt niðurstaða: Þegar þú notar þjónustu okkar gætirðu uppgötvað óvæntar staðreyndir um sjálfan þig eða fjölskyldu þína (þú gætir t.d. uppgötvað erfðafræðilegt systkini eða foreldri sem þú vissir ekki um, óvæntar staðreyndir um þjóðerni þitt, óvæntar niðurstöður erfðaprófa eða óvæntar upplýsingar í opinberum skrám). Þegar greint hefur verið frá slíkum uppgötvunum þá getum við ekki afturkallað þær.

1.4. Viðbótarskilmálar sem gilda um notkun þína á DNA-þjónustu

Eins og notað er í þessum Skilmálum, þá vísar „DNA þjónusta“ til notkunar á DNA-prófunarsettinu okkar, vinnslu og meðhöndlun á DNA-sýninu þínu, erfðaprófun á DNA-sýninu þínu og vef- eða farsímaforrit okkar sem veita þér niðurstöður og þjónustu í tengslum við þjóðerni og erfðafræði. Til viðbótar við kröfurnar sem lýst er hér að ofan samþykkir þú einnig eftirfarandi skilmála fyrir notkun þína á DNA-þjónustunni:

  • Þú munt ekki endurselja DNA-prófunarsett;
  • Öll munnvatnssýni sem þú gefur eru annað hvort þín eigin eða munnvatn einstaklings sem þú gegnir hlutverki foreldra eða forráðamanns fyrir;
  • Ef þú ert utan Bandaríkjanna muntu ekki senda okkur sýnishorn ef að það að senda okkur sýnishorn brýtur í bága við útflutningsbann eða aðrar takmarkanir í landinu sem þú býrð í eða sem þaðan sem þú sendir sýnishornið frá;
  • Þú munt ekki nota DNA-þjónustu utan þess lands sem DNA-prófunarsettið þitt var sent til;
  • Með því að láta okkur í té munnvatnssýni eða Efni frá notanda, öðlast þú engan rétt á neinum rannsóknum eða söluvörum sem þróaðar eru af okkur eða samstarfsaðilum okkar og færð engar bætur tengdar slíkum rannsóknum eða vöruþróun; og,
  • Þú munt ekki nota upplýsingarnar sem fengnar eru í gegnum DNA-þjónustuleiðir (þar á meðal öll DNA-gögn (skilgreidt í Persónuverndaryfirlýsingu) sem sótt eru) í heild sinni, að hluta og/eða ásamt öðrum gagnagrunni, í hvers kyns læknisfræði-, greiningar- eða faðernisprófunartilgangi, í hvers kyns dómsmeðferð eða í hvers kyns tilgangi þar sem verið er að mismuna eða brjóta lög.

DNA-þjónustu framboð Ancestry. Þú samþykkir einnig að við megum með beinum hætti eða í gegnum önnur fyrirtæki sem hjálpa okkur að veita DNA-þjónustuna:

  • útvega öðrum fyrirtækjum sem hjálpa okkur að veita Þjónustuna munnvatnssýni þitt og DNA, svo sem rannsóknarstofum;
  • draga DNA úr munnvatni þínu;
  • framkvæma erfðafræðilegar prófanir í Bandaríkjunum (eða, í framtíðinni, í öðrum löndum) á DNA sem fengið er með því að nota prófunaraðferðir sem eru tiltækar núna eða verða þróaðar;
  • Bera DNA-niðurstöður þínar saman við önnur DNA-gögn í Ancestry gagnagrunninum til að veita þér Þjónustu, þar á meðal að finna samsvörun við aðra í gagnagrunninum okkar sem þú deilir DNA með (þú ræður hvort þú viljir að DNA-samsvörunaraðilarnir þínir geti séð þig eða þú séð þá) ;
  • birta þér, og öðrum sem þú hefur veitt heimild, niðurstöður prófana sem gerðar eru;
  • geyma DNA-niðurstöðurnar þínar;
  • geyma munnvatnið þitt og DNA í Bandaríkjunum eða farga munnvatni eða DNA-sýni sem eftir er eftir að unnið hefur verið úr sýninu; þegar það hefur verið sent til okkar er ekki hægt að skila munnvatns- og DNA sýninu þínu til þín (athugaðu þó að þú getur beðið okkur um að eyðileggja sýnið þitt, og í vissum tilvikum gætum við eytt lífsýnum til að viðhalda gæðum lífsýnasafnsins);
  • gera tilteknum samstarfsaðilum okkar á rannsóknarstofu kleift að nota hluta af virkum eða óvirkum munnvatnssýnum til að kvarða eða sannprófa tæki, búnað eða rannsóknarstofuaðferðir sem notaðar eru við að veita DNA-þjónustu; og,
  • nota þínar Erfðafræðilegar upplýsingar og aðrar Persónuupplýsingar eins og lýst er í þessum skilmálum og Persónuverndaryfirlýsingu.

Við verndum upplýsingarnar þínar eins og lýst er í Persónuverndaryfirlýsingu okkar. Ef þú kýst að hlaða niður afriti af DNA-gögnunum þínum þá er það afrit ekki varið af öryggisráðstöfunum okkar og þú ert ein(n) ábyrg(ur) fyrir því að geyma, tryggja og vernda þau gögn sem hlaðið er niður. Ancestry ber enga ábyrgð ef þú velur að deila sótt DNA-gögn þín með öðrum, hvort sem er viljandi eða óviljandi. DNA-gögnin þín eru eingöngu ætluð til persónulegra nota.

Athugasemd til notenda sem hafa fengið beinmergs- eða stofnfrumuígræðslu: Tilgangur DNA-þjónustunnar er að veita erfða- og ættfræðilegar niðurstöður og skýrslur í tengslum við það til upplýsingar-, afþreyingar-, fræðslu- og rannsóknarnota. Ef þú hefur fengið beinmergs- eða stofnfrumuígræðslu getur AncestryDNA prófið þitt gefið óvæntar niðurstöður vegna þess að munnvatnið þitt getur innihaldið frumur með þínu DNA ásamt því að innihalda frumur DNA-gjafans þíns. DNA fyrir prófið er dregið úr frumunum og ef um er að ræða samsett DNA getur það leitt til þess að prófið takist ekki eða að það skili niðurstöðum sem byggjast á DNA gjafans þíns. Því mælum við ekki með því að þeir aðilar sem hafa fengið beinmergs- eða stofnfrumuígræðslu taki AncestryDNA prófið. Ef þú hefur þegar tekið prófið, skaltu Hafðu samband við okkur og fá frekari aðstoð.

 

2. Efni

2.1.  Ancestry efni: Þjónustuleiðir okkar innihelda myndir, myndbönd, skjöl, skrár, efnisskrár og annað efni sem Ancestry lætur þér í té („Ancestry efni“). Fyrir utan skrár WebSearch, sem stjórnast af skilmálum þriðju aðila sem hýsa skrárnar, telst allt Ancestry efni í eigu okkar eða í okkar höndum samkvæmt leyfi og má aðeins nota í samræmi við þessa Skilmála, þar með talið það Ancestry efni sem ekki nýtur höfundarverndar („Efni sem ekki nýtur höfundarverndar”). Þú samþykkir að:

  • nota Ancestry Content eingöngu eftir þörfum í persónulegri notkun þinni á Þjónustu eða sem hluta af ættfræðirannsóknum í atvinnuskyni;
  • sækja Ancestry efni eingöngu sem leitarniðurstöður sem tengjast slíkum rannsóknum eða samkvæmt skýlausu leyfi Ancestry;
  • varðveita allar tilkynningar um höfundarrétt og eignarrétt varðandi það Ancestry efni sem þú sækir eða prentar;
  • dreifa ekki, endurbirta eða selja umtalsverðan hluta af neinu Ancestry efni; og,
  • hafa samband við okkur til að afla skriflegs leyfi okkar ef þú vilt nota meira en smávægilegan hluta af stökum myndum og skjölum sem teljast Efni sem ekki nýtur höfundarréttar.

     

2.2.  itt efni: Ancestry auðveldar þér að leggja til ýmis konar efni til Þjónustuleiðanna, þar á meðal Persónuupplýsingar og efni svo sem ættartré, myndir, myndbönd, upptökur, sögur af ættingjum, athugasemdir þínar í trjám, samfélagsumræður eða „um“ skrár, auk svara við tölvupóstskönnunum og spurningalistum boðið er upp á í gegnum Þjónustuleiðir okkar („Efni frá notanda“).

2.2.1  Persónuupplýsingar: Fyrir nánari upplýsingar um þær tegundir af Persónuupplýsingum sem þú kannt að veita okkur og réttindi þín skaltu kynna þér Persónuverndaryfirlýsingu okkar.

2.2.2  Efni frá notanda: Með tilliti til efnis frá notanda samþykkir þú að:

  • þú sért ein(n) ábyrg(ur) fyrir þínu Efni frá notanda;
  • þú sért með öll nauðsynleg lagaleg réttindi til að hlaða upp eða birta þitt Efni frá notanda;
  • allt Efni frá notanda sem þú deilir samræmist Reglum Ancestry samfélagsins;
  • þú munir láta Ancestry í té, að beiðni okkar, öll skjöl sem nauðsynleg eru til að sanna að þú hlítir þessum skilmálum; og
  • aðrir notendur megi deila öllu því Efni frá notanda sem þú hefur deilt opinberlega (t.d. með því að setja slíkt Efni frá notanda í opinbert ættartré, sem hluta af opinbera prófílnum þínum í einni af Þjónustuleiðum okkar eða í opinberri færslu í gegnum eina af Þjónustuleiðum okkar) sem hluta af eða í tengslum við Þjónustuleiðir okkar. Okkur ber ekki skylda að fjarlægja Efni frá notanda sem þú hefur deilt opinberlega eða hefur á annan hátt verið deilt af ættartrjám eða opinberu notendasniðmáti annarra notenda.

Ancestry tekur hvorki ábyrgð né telst skaðabótaskylt í tengslum við Efni frá notanda. Við framkvæmum ekki reglulega eftirlit með Efni frá notanda með tilliti til brota á þessum skilmálum, þar á meðal Reglum Ancestry samfélagsins, en við áskiljum okkur rétt til að framkvæma eftirlit (þ.m.t. notkun sjálfvirkra vöktunartóla). Við áskiljum okkur rétt, en ber ekki skylda, til að fjarlægja eða afvirkja aðgang að hvaða Efni frá notanda sem við teljum brjóta í bága við þessa skilmála, þ.m.t. Reglur Ancestry samfélagsins. Ancestry áskilur sér réttinn til að loka fyrir reikning þess notanda sem gerist sekur um alvarleg eða endurtekin brot eða lögbrot, að geðþótta Ancestry.

2.2.3  Eignaréttur á efni þínu: Þú átt þínar Persónuupplýsingar og þitt Efni frá notanda. Þú getur eytt þínum Persónuupplýsingum af Ancestry með því að skrá þig inn á Reikningsstillingarnar þínar (fyrir frekari upplýsingar, sjá Persónuverndaryfirlýsinguna). Svo lengi sem efnið þitt er áfram í kerfinu okkar, krefjumst við ákveðinna réttinda frá þér til að þú og aðrir getið notað Þjónustuleiðirnar. Með því að nota þjónustuna veitir þú okkur rétt til að safna, hýsa, flytja, vinna úr, greina, miðla og geyma Persónuupplýsingar þínar (þ.m.t. þínar Erfðafræðilegu upplýsingar) til að (a) veita þér og öðrum notendum þjónustuna, (b) í þeim tilgangi sem lýst er í þessum skilmálum og Persónuverndaryfirlýsingu okkar, (c) til að hjálpa notendum okkar að læra meira um fjölskyldur sínar og ættarsögu og byggja upp ættartré sín, og (d) í öðrum tilgangi sem þú samþykkir, eins og að deila með öðrum.

Með því að senda inn Efni frá notanda í gegnum einhverja af Þjónustuleiðum okkar veitir þú Ancestry ævarandi, undirleyfishæft, alþjóðlegt, óafturkallanlegt, þóknunarlaust leyfi til að hýsa, geyma, afrita, birta, dreifa, veita aðgang að, búa til afleidd verk af og nota á annan hátt slíkt Efni frá notanda að því marki og á því sniði eða í því samhengi sem við teljum viðeigandi á eða í gegnum hvaða miðla eða miðil sem er og með hvaða tækni eða tækjum sem nú eru þekkt eða munu síðar verða þróuð eða uppgötvuð. Þetta felur í sér rétt Ancestry til að afrita, birta og skrásetja þitt Efni frá notanda. Ancestry mun eiga þær atriðaskrár sem það býr til. Þrátt fyrir óafturkallanlegt og ævarandi eðli þessa leyfis, lýkur því þegar þínu Efni frá notanda hefur verið eytt úr okkar kerfum. Við vekjum athygli á því að þetta leyfi heldur áfram þar til efninu hefur verið eytt bæði af þér og öðrum notendum, að því marki sem þú hefur valið að deila þínu Efni frá notanda opinberlega og að því marki sem aðrir notendur hafa afritað eða vistað þá innan Þjónustuleiða.

2.3  Höfundarréttur og vörumerki: Hver Þjónustuleið er höfundarréttarvarin sem sameiginlegt verk eða samansafn, í samræmi við bandarísk höfundarréttarlög, alþjóðlega sáttmála og önnur höfundarréttarlög. Vörumerkin, þjónustumerkin og myndmerkin sem er að finna innan Þjónustuleiða eru í eigu okkar eða sem handhafar leyfis. Við og leyfisveitendur okkar höldum eignarhaldi og öllum öðrum réttindum og hagsmunum hvað varðar allt Ancestry efni innan Þjónustuleiða.

Ef þú hefur áhyggjur af því að Efni frá notanda sem aðrir notendur birta kunni að brjóta gegn rétti þínum, innihaldi ólöglegt efni eða brjóti í bága við þessa skilmála, þá skaltu vinsamlegast Hafa samband við okkur. Við berum einnig virðingu fyrir höfundarrétti og öðrum hugverkaréttindum annarra. Til að miðla kvörtunum varðandi höfundarréttarbrot eða ólöglegt efni, þar á meðal allar beiðnir um að taka niður efni samkvæmt lögunum „Digital Millennium Copyright Act“, þá skaltu smella hér. Fyrir nánari upplýsingar um Höfundarréttarstefnu okkar, skaltu smella hér.

2.4  Einkaleyfi Vörur og þjónusta Ancestry eru einkaleyfavarin í Bandaríkjunum og víðar. Fyrir nánari upplýsingar, smelltu hér.

 

3. Endurnýjun og uppsögn á þjónustu Ancestry

Kaup þín á og áskrift(um) að einhverri af Þjónustuleiðum okkar eru háð Endurnýjunar- og uppsagnarskilmálum.

 

4. Lokun eða tímabundin lokun reiknings þíns

Það kann að gerast að við takmörkum, lokum varanlega eða tímabundið á aðgang þinn að Þjónustuleiðum án endurgreiðslu ef þú gerist brotleg(ur) með tilliti til þessara Skilmála eða hegðar þér á hátt sem er ekki í samræmi eða anda þeirra, þ.m.t. Reglur Ancestry samfélagsins. Í slíkum tilvikum átt þú ekki rétt á að fá áskriftargjöld eða kaupverð DNA-prófunarsettsins endurgreidd.

 

5. Ábyrgð

Þó að við vonum að þú njótir þess að nota Þjónustu okkar, þá eru hlutir sem við getum ekki lofað með tilliti til Þjónustu okkar.

Nema þar sem það er sérstaklega tekið fram í þessum Skilmálum, þá veitum við þér Þjónustuna og Efni Ancestry „eins og það kemur fyrir“. Að því marki sem lög leyfa, höfnum við allri ábyrgð, hvort sem er beinni eða óbeinni, þar með talið óbeinum ábyrgðum um söluhæfi vörunnar og hæfi vörunnar til notkunar í tilteknum tilgangi eða að ekki sé brotið gegn höfundarrétti. Við gefum engin loforð með tilliti til (a) Efnis Ancestry, (b) Efnis frá notanda, (c) sérstakrar virkni þjónustunnar, (d) gæða, nákvæmni, áreiðanleika eða framboðs á Efni eða Þjónustuleiðum Ancestry, (e) að Þjónustuleiðir séu lausar við vírusa og aðra skaðlega hluti.

Við erum stöðugt að breyta og bæta Þjónustuleiðir okkar, þannig að það kann að vera að við bætum við eða fjarlægjum virkni eða eiginleika úr Þjónustuleiðum og það getur gerst að við stöðvum Þjónustu tímabundið eða varanlega.

 

6. Takmörk ábyrgðar

Við takmörkum ábyrgð okkar að því marki sem lög leyfa. Við munum ekki bera ábyrgð á neinu óviljandi tjóni, raunverulegu, tilfallandi eða afleiddu tjóni, eða tjóni eða kröfum af neinu tagi. Sum lögsagnarumdæmi heimila okkur ekki að viðhafa víðtækar takmarkanir á ábyrgð okkar. Ef þú býrð í einu af þessum lögsagnarumdæmum getur verið að sumar þessara takmarkana eigi ekki við þig. Ef þú ert óánægður með einhverja af Þjónustuleiðum okkar eða með einhverja staðhæfingu í þessum Skilmálum, þá er eina úrræðið þitt að hætta að nota Þjónustuleiðina og, ef þú ert að nota eina af Áskriftarþjónustum okkar, að stöðva áskriftina eins og lýst er hér. Heildarábyrgð okkar í hverju því sem tengist þjónustunni eða þessum Skilmálum takmarkast við heildarupphæðina sem þú greiddir okkur á 12 mánaða tímabilinu sem leiddi að tilvikinu sem leiddi til ábyrgðarkröfu. Þessi takmörkun ábyrgðar gildir að fullu um íbúa í New Jersey.

 

7. Þín trygging

Þú samþykkir að þú munir gera skaðlausa og ætla Ancestry, og hlutdeildarfélög þess og dótturfélög viðkomandi fulltrúa, stjórnarmanna, starfsmanna, umboðsmanna, eftirmanna og framseljenda („Ancestry aðilar”) óskaðabótaskylda með tilliti til allra krafa, skaðabóta eða annars kostnaðar (þ.m.t. þóknun lögmanns) sem stafar af notkun þinni á Þjónustuleiðum okkar og (a) brot þitt á þessum Skilmálum eða öðrum skjölum sem teljast innifalin hér vegna tilvísunar; (b) brot þitt á réttindum annars aðila; eða (c) hvers kyns kröfu sem tengist Efni frá notanda, þar með taldar kröfur þess eðlis að þitt Efni frá notanda hafi valdið öðrum aðila skaða. Þessi skaðleysisyfirlýsing heldur gildi sínu eftir að þú hættir að nota þjónustuna. Að auki leysir þú Ancestry aðila undan öllum kröfum, aðgerðum eða málshöfðunum í tengslum við þitt Efni frá notanda, þar með talin hvers kyns ábyrgð sem tengist notkun okkar eða skortur á notkun á þínu Efni frá notanda, kröfur vegna ærumeiðinga, brot á friðhelgi einkalífsins, óheimil notkun á þinni persónu, tilfinningalega vanlíðan eða fjárhagslegt tjón.

 

8. Þjónusta sem önnur fyrirtæki bjóða upp á

Þjónusta okkar kann að innihalda tengla á aðrar síður sem reknar eru af þriðju aðilum, þar á meðal, en takmarkast ekki við, vefsvæði þriðju aðila sem kunna að birta vörumerki Ancestry („Vefsvæði þriðju aðila“). Þessir hlekkir eru tiltækir þér til hægðarauka og eru eingöngu ætlaðir til að veita aðgang að þessum Vefsvæðum þriðju aðila og ekki í neinum öðrum tilgangi. Tengill á Vefsvæði þriðja aðila frá vef okkar felur ekki í sér kostun, meðmæli, samþykki eða ábyrgð á Vefsvæði þriðja aðila. Notkunarskilmálar og persónuverndaryfirlýsing fyrir Vefsvæði þriðja aðila kann að vera verulega frábrugðin Skilmálum okkar og Persónuverndaryfirlýsingu. Kynntu þér vandlega notkunarskilmálana og persónuverndarupplýsingar fyrir öll Vefsvæði þriðju aðila.

Ancestry ábyrgist ekki né heldur fram neinum fullyrðingum um efni, gæði, virkni, nákvæmni, hæfni í tilteknum tilgangi, söluhæfi eða öðrum yfirlýsingum um Vefsvæði þriðja aðila eða innihald þess, vörur og þjónustu. Við berum enga ábyrgð á neinum Vefsvæðum þriðja aðila.

 

9. Gildandi lög

Ef þú nálgast Þjónustu okkar á vefsíðum í Bandaríkjunum, gilda lög Utah-ríkis og að því marki sem viðeigandi getur talist, lög Bandaríkjanna, og þessir skilmálar og notkun Þjónustu falla undir þau lög. Allar kröfur sem ekki eru háðar gerðardómi og eru settar fram innan Bandaríkjanna falla undir lögsögu dómstóla Utah-ríkis. Ef þú nálgast Þjónustu okkar á vefsíðum utan Bandaríkjanna, falla þessir Skilmálar undir írska löggjöf.

 

10. Úrlausn ágreiningsmála, gerðardómur og undanþága frá hópmálsóknum

VINSAMLEGAST LESIÐ ÞENNAN HLUTA VANDLEGA. ÞETTA HEFUR ÁHRIF Á LAGALEGAN RÉTT ÞINN, ÁSAMT RÉTTI ÞÍNUM TIL HÖFÐA LÖGSÓKN FYRIR RÉTTI.

Við kappkostum að halda viðskiptavinum okkar ánægðum. Ef ágreiningur kemur upp á milli þín og Ancestry er markmið okkar að bjóða upp á hagkvæma leið til að leysa ágreininginn með skjótum hætti. Ef upp koma einhverjar áhyggjur eða ágreiningur í tengslum við Þjónustuna, þá samþykkir þú að reyna fyrst að leysa ágreiningsmálið með óformlegum hætti með því að hafa samband við okkur.

Fyrir bandaríska viðskiptavini:

Þú og Ancestry sættist á að þessir Skilmálar hafi áhrif á milliríkjaviðskipti og að túlkun og framfylgd þessara gerðardómsákvæða heyri undir alríkisgerðardómslögin („Federal Arbitration Act“).

Ef ágreiningsmál á milli okkar er ekki leyst innan 30 daga frá því að þú hefur samband við okkur, þá samþykkir þú og Ancestry að við munum leysa hann með endanlegum og bindandi gerðardómi, með eftirfarandi þremur undantekningum:

  1. 1. Þú getur lagt ágreiningsmál þitt fyrir smámálarétt („small claims court“), ef það uppfyllir tilskilin skilyrði.
  2. 2. Bæði þú og Ancestry megið eingöngu höfða mál fyrir dómstólum í Utah-ríki vegna kröfu sem varðar brot eða annars konar misnotkun á hugverkarétti. Í þessu tilviki afsala báðir aðilar sér rétti á að leggja mál fyrir kviðdóm.
  3. 3. Ef það uppfyllir skilyrði, getur þú lagt kröfu til viðkomandi alríkisstofnunar, ríkisstofnunar eða staðbundinnar stofnunar sem gæti leitað lausnar í máli þínu gegn okkur fyrir þína hönd.

Ef þú ert áskriftarhafi og þú stöðvar áskrift vegna brots okkar eftir að hafa veitt okkur 30 daga frest til að bæta úr málinu og okkur tókst ekki að bæta úr málinu á þeim tíma, munum við endurgreiða þér öll fyrirframgreidd gjöld hlutfallslega.

Gerðardómsreglur: Fyrirtækið JAMS mun hafa umsjón með gerðardómi í samræmi við Einfaldaðar gerðardómsreglur JAMS („Streamlined Arbitration Procedure Rules“) fyrir þær kröfur sem ekki eru hærri en $250.000 og Heildargerðardómsreglur JAMS fyrir kröfur sem eru hærri en $250.000 samræmi við það sem gildir þegar í gildi á þeim tíma þegar málið er sett í gerð, að undanskildum reglum eða verklagi sem eiga við eða heimila hópmálsóknir. Gerðardómsmaður, en ekki alríkisdómstólar, ríkisdómstólar eða staðbundnir dómstólar eða stofnanir, skal einn hafa vald til að leysa úr þeim ágreiningsmálum sem koma til út af eða tengjast túlkun, beitingu, framfylgdarhæfi eða uppsetningu þessara Skilmála eða Persónuverndaryfirlýsingar, þar með talið en takmarkast ekki við hvers kyns kröfu um að allir eða einhver hluti þessara Skilmála eða Persónuverndaryfirlýsingar séu merktir ógildir eða ógildanlegir, hvort sem krafa er háð gerðardómi eða spurningu um undanþágu málaferla („waiver by litigation conduct“). Gerðardómsmaður skal hafa vald til að veita hvaða úrlausn sem býðst dómstólum samkvæmt lögum eða sanngirnisreglu. Úrskurður gerðardómsmanns skal vera skriflegur og bindandi fyrir aðila og má fella úrskurð sem dóm fyrir dómstóli í hvaða þar til bæru lögsagnarumdæmi. Til að setja mál í gerð verður þú að gera eftirfarandi: (a) gera skriflega kröfu um gerðardóm sem inniheldur lýsingu á kröfunni og þeirri skaðabótaupphæð sem þú leitast við að endurheimta (þú getur fundið dæmi um kröfu um gerðardóm á www.jamsadr.com); (b) senda þrjú eintök af kröfu um gerðardóm, auk viðeigandi skráningargjalds, til JAMS, Two Embarcadero Center, Suite 1500, San Francisco, CAlifornia 94111; og (c) senda eitt eintak af kröfunni um gerðardóm til Ancestry hjá Ancestry Legal Department, 153 Townsend Street, Suite 800, San Francisco, CA 94107. Gerðardómur getur farið fram í þeirri sýslu þar sem þú ert búsett(ur) þegar umsókn er lögð fram. Þú og Ancestry samþykkja ennfremur að lúta persónulegri lögsögu hvers alríkis- eða ríkisdómstóls í San Francisco sýslu í Kaliforníu til að knýja fram gerðardóm, fresta málsmeðferð á meðan gerðardóms er beðið, eða til að staðfesta, breyta, víkja eða kveða upp úrskurð um bætur sem gerðardómsmaður úrskurðar.

Gjöld: Þú verður að greiða $250 til að setja mál í gerð gegn okkur. Ef gerðardómsmaður telur að gerðardómurinn sé ekki ómerkur mun Ancestry greiða öll önnur gjöld til JAMS samkvæmt útgefnum reikningum, þar á meðal skráningargjöld og gerðardóms- og málflutningskostnað. Þú berð ábyrgð á að greiða þóknun til eigin lögmanns nema gerðardómsreglur og/eða gildandi lög kveði á um annað.

Engar hópmálsóknir: Þú og Ancestry sættist á að hvor aðilinn sem er má eingöngu leysa úr ágreiningsmálum gegn hinum aðilanum á grundvelli einstakra mála og megi ekki leggja fram kröfu sem stefnandi eða þátttakandi í hópmálsókn, samanteknum málarekstri eða fulltrúamálsókn „representative action“. Ef einhver dómstóll eða gerðardómsmaður ákveður að undanþága frá hópmálsóknum sem sett er fram í þessari málsgrein sé ógild eða óframkvæmanleg af einhverjum ástæðum eða að gerðardómur geti farið fram á grundvelli hópmálshöfðunar, þá skulu gerðardómsákvæðin sem sett eru fram hér að ofan teljast ógild í heild sinni og skal litið svo á að aðilar hafi ekki fallist á gerðardóm í ágreiningsmálum.

Breytingar á þessum hluta: Ancestry mun veita þrjátíu (30) daga fyrirvara um allar breytingar sem hafa áhrif á efni þessa hluta með því að senda tilkynningu um breytingar á Skilmálum Þjónustuleiða, senda þér skilaboð eða láta þig vita með öðrum hætti þegar þú ert skráður inn á reikninginn þinn. Breytingar munu taka gildi þrjátíu (30) dögum eftir að þær eru birtar í gegnum Þjónustuleiðir okkar eða sendar til þín.

Breytingar á þessum hluta eiga að öðru leyti aðeins við framvirkt um kröfur sem myndast eftir þrítugasta (30.) dag. Ef dómstóll eða gerðardómsmaður ákveður að þessi undirkafli um „Breytingar á þessum hluta“ sé ekki aðfararhæfur eða gildur, þá skal aðskilja þennan undirkafla frá hlutanum sem ber yfirskriftina „Úrlausn ágreiningsmála, gerðardómur og undanþága frá hópmálsóknum“ og skal dómstóllinn eða gerðardómsmaðurinn beita fyrsta hlutanum um gerðardóm og undanþágu frá hópmálsóknum sem til var þegar að þú byrjaðir að nota þjónustuna.

Lifun: Þessi hluti um úrlausn ágreiningsmála, gerðardóm og undanþágu frá hópmálsóknum mun lifa af lokun á reikningi þínum eða Þjónustuleiðum.

Fyrir viðskiptavini utan Bandaríkjanna:

Þú samþykkir að írskir dómstólar hafi einir lögsögu yfir öllum deilumálum (samningsbundnum eða ósamningsbundnum) sem tengjast þessum Samningi. Ef þú ert neytandi innan Evrópusambandsins muntu njóta góðs af öllum skylduákvæðum laga þess lands þar sem þú ert búsett(ur). Ekkert í þessum samningi, þar á meðal málsgreinin hér að ofan, hefur áhrif á rétt þinn sem neytanda til að treysta á slík lögboðin ákvæði staðbundinna laga. Ekkert í þessu ákvæði skal takmarka rétt Ancestry til að höfða fullnustumál í öðru lögsagnarumdæmi eða til að leita tímabundinna úrræða, verndarúrræða eða bráðabirgðaúrræða fyrir dómstólum í öðru lögsagnarumdæmi.

Viðbótarupplýsingar um deilumál fyrir ESB-aðildarríki: Upplýsingar samkvæmt reglugerð 524/2013: Framkvæmdastjórn Evrópusambandsins býður upp á vettvang fyrir lausn deilumála á netinu („Online Dispute Resolution“, ODR) og má nálgast hér http://ec.europa.eu/consumers/odr/.

 

11. Ýmislegt

Ancestry fyrirtæki: Þú ert að ganga að þessum Skilmálum með tilteknum Ancestry aðila eftir því hvaða þjónustu þú ert að nota og hvar þú ert staddur/stödd landfræðilega. Sjá lista yfir Ancestry aðila hér að neðan eftir Þjónustu og landfræðilegri legu. Allar tilvísanir til „Ancestry“, „okkur“, „við“ eða „okkar“ í þessum Skilmálum vísa til viðkomandi Ancestry aðila á þeim lista. Við áskiljum okkur rétt til að breyta Ancestry aðilanum sem er aðili að þessum Skilmálum hvenær sem er vegna endurskipulagningar rekstursins eða af öðrum ástæðum.

Breytingar á þessum Skilmálum: Við höfum rétt á að breyta þessum Skilmálum eða öðrum viðbótarskilmálum sem gilda um tiltekna Þjónustu hvenær sem er, þar á meðal til að endurspegla lagabreytingar eða breytingar á Þjónustu okkar. Við munum tilkynna þér um allar efnislegar breytingar með því að birta upplýsingar í gegnum viðkomandi Þjónustu eða með tölvupósti. Slíkar efnislegar breytingar munu ekki gilda afturvirkt og taka gildi þrjátíu dögum eftir að þær eru birtar, fyrir utan að breytingar sem snúa að nýrri virkni í Þjónustunni og breytingar sem gerðar eru af lagalegum ástæðum taka strax gildi. Fyrir utan það sem er sérstaklega tekið fram hér, mun áframhaldandi notkun þín á Þjónustuleiðunum eftir breytingu á Skilmálum þýða að þú samþykkir breytingarnar. Ef einhverjar breytingar eru óviðunandi fyrir þig geturðu hætt að nota þjónustuna og, ef við á, sagt upp áskrift þinni eins og lýst er hér.

Samningsheild: Þessir Skilmálar, ásamt öllum reglum, leiðbeiningum og öðrum skjölum sem eru innifalin hér með tilvísun, setja fram samningsheild á milli þín og Ancestry varðandi notkun þína á Þjónustuleiðunum og koma í stað allra fyrri samninga sem við gætum haft varðandi Þjónustuna.

Tilkynning um breytingar á þjónustu: Ancestry gæti haft samband við þig innan Þjónustunnar, með tölvupósti eða pósti til að upplýsa þig um breytingar á Þjónustunni eða þessum Skilmálum. Þú samþykkir að ef haft er samband með einhverjum af þessum leiðum þá uppfylli það allar lagalegar kröfur um samskipti, þar með talið að samskipti séu skrifleg.

Ábendingar: Ef þú sendir inn ábendingar eða tillögur um Ancestry eða Þjónustuleiðir okkar þá megum við nota ábendingar þínar eða tillögur í hvaða tilgangi sem er án nokkurrar skuldbindingar við þig.

Framsal: Við áskiljum okkur rétt til að framselja eða flytja réttindi okkar og skyldur samkvæmt þessum samningi. - Þessir skilmálar eiga persónulega við þig og þar af leiðandi getur þú ekki, án skriflegs samþykkis Ancestry, framselt eða flutt réttindi þín og skyldur samkvæmt þessum Samningi. Það skulu engir þriðju aðilar njóta góðs af þessum Samningi.

Ef Ancestry er tekið yfir: Ef Ancestry eða fyrirtæki þess er tekið yfir eða flutt undir annan aðila (að öllu leyti eða að hluta til og þ.m.t. gjaldþrotaskipti eða álíka ferli), hefur Ancestry rétt á að deila Persónuupplýsingum þínum og efni frá notanda með þeim aðila. Þessir skilmálar munu gilda áfram um Þjónustu þar til þú færð tilkynningu um breytingar á Skilmálum eða Þjónustu.

Að skilja á milli gildra og ógildra greina: Nema það sem sérstaklega er kveðið á um hér, mun óaðfararhæfi einhvers hluta eða ákvæðis í þessum Skilmálum ekki hafa áhrif á aðfararhæfi þeirra Skilmála sem eftir sitja. Við kunnum að skipta út óaðfararhæfum kafla eða ákvæði út fyrir svipaðan kafla eða ákvæði sem hægt er aðfararhæfur.

Ekkert afsalt: Ef við nýtum ekki réttindi okkar samkvæmt ákvæðum þessara Skilmála þá teljumst við ekki vera að afsala okkur réttindum okkar samkvæmt því ákvæði.

Lög um sanngjarna meðferð fjárhagsupplýsinga („Fair Credit Reporting Act“): Ancestry er ekki fyrirtæki sem gefur út neytendaskýrslur samkvæmt skilgreiningu í lögum um sanngjarna meðferð fjárhagsupplýsinga (Fair Credit Reporting Act, FCRA), og þeim upplýsingum sem þú hefur aðgang að í gegnum Þjónustuleiðir okkar hefur ekki verið safnað í heild eða að hluta í þeim tilgangi að fylla út neytendaskýrslur, samkvæmt skilgreiningu í FCRA. ÞÚ MÁTT EKKI NOTA ÞJÓNUSTUNA SEM ÞÁTT Í AÐ (1) STAÐFESTA HÆFI EINSTAKLINGS TIL LÁNATÖKU EÐA TRYGGINGA EÐA META ÁHÆTTU Í TENGSLUM VIÐ NÚVERANDI LÁNASKULDBINDINGAR, (2) META EINSTAKLING MEÐ TILLITI TIL STARFSHÆFNI, STÖÐUHÆKKUNAR, ENDURÚTHLUTUNAR EÐA VIÐHALDA STÖÐU (ÁSAMT EN TAKMARKAST EKKI VIÐ RÁÐNINGU EINSTAKLINGA Í HEIMILISSTÖRF, SVO SEM BARNFÓSTUR, HREINGERNINGAFÓLK, BARNAPÍUR, VERKTAKAR OG AÐRIR AÐILAR), EÐA (3) ÖNNUR PERSÓNULEG VIÐSKIPTI VIÐ ANNAN AÐILA (ÁSAMT EN TAKMARKAST EKKI VIÐ ÚTLEIGU Á ÍBÚÐARHÚSNÆÐI).

Þessir skilmálar og skilyrði voru tekin saman úr aðskildum fyrri útgáfum. Fyrir fyrri útgáfur af skilmálum sem gilda um Þjónustuleiðir, skaltu smella hér.